جزیرہ فرسان میں ترقیاتی کاموں کا آغاز
جازان.... قومی سیاحتی کمیٹی جزیرہ فرسان میں ترقیاتی امور انجام دے گی ۔ الوطن اخبار کے مطابق 34 مقامات کی تزئین اور آرائش کے حوالے سے جامع منصوبہ بندی مرتب کرلی گئی ہے ۔ جازان ریجن کے ڈپٹی گورنر شہزادہ محمد بن عبدالعزیز نے ریجن کے تفریحی مقامات کی تزئین و آرائش کےلئے خصوصی احکامات جاری کئے ہیں جن پر فوری عمل شروع کردیا گیا ہے۔اس ضمن میں سیاحتی کمیٹی کے ریجنل ڈائریکٹر رستم کبیسی کا کہنا ہے کہ جزیرہ فرسان بہترین سیاحتی مقام ہے جہاں مزید ترقیاتی کا م شروع کئے جائینگے ۔
