غوطہ سے 80 ہزار شہریوں کو نکال لیا گیا، روس

ماسکو ۔۔ روسی حکومت  نے کہا ہے کہ شام کے جنگ زدہ علاقے مشرقی غوطہ سے 79 ہزار 702 عام شہریوں کو نکال لیا گیا ہے۔ روسی بیان میں کہا گیا ہے کہ مشرقی غوطہ میں انسانی ہمدردی کی بنیاد پر امدادی آپریشن جاری ہے۔  روسی وزارت دفاع کی جانب سے جاری کردہ بیان میں بتایا گیا کہ پیر کو 6 ہزار 46 عام شہریوں کو شورش زدہ ضلع سے نکالا گیا۔ واضح رہے کہ مشرقی غوطہ گزشہ طویل عرصے سے حکومتی فورسز کے زیر محاصرہ ہے۔