کھانے میں شیشے کا ٹکڑا نکلنے پر ہوٹل بند

طائف.... ریجنل بلدیہ کے اہلکاروں نے کھانے میں شیشے کا ٹکڑا نکلنے پر ہوٹل بند کردیا۔ عکاظ اخبار کے مطابق شمالی طائف کے علاقے عشیرہ میںایک شہری نے بلدیہ میں شکایت کی تھی کہ اس نے ایک ہوٹل سے کھانا خریدا جس میں شیشے کا ٹکڑا پایا گیا۔ شکایت پر بلدیہ نے کھانے کے پیکٹ کا جائزہ لیا تو اس میںکانچ موجود تھا۔ جس پر کارروائی کرتے ہوئے ہوٹل سربمہر کردیا گیا جبکہ مالک پر جرمانہ بھی لگایا گیا۔