نواز کا رویہ سخت، شہباز کا نرم ہے،فضل الرحمان

اسلام آباد... وزیر اعظم شاہد خاقان عباسی سے جے یو آئی (ف)کے سربراہ مولانافضل الرحمن نے ملاقات کی ۔ ملک کی سیاسی صورتحال ،سینیٹ انتخابات سمیت مختلف امورپرتبادلہ خیال کیا گیا۔ بعد ازاںمیڈیا سے بات چیت کرتے ہوئے فضل الرحمان نے کہا کہ نوازشریف کی عدالتوں میں ہفتے میں کئی کئی پیشیاں جبکہ کتنے ہی لوگوں کی کئی مہینوں نہیں ہوتیں۔ نوازشریف کا رویہ سخت اورشہبازشریف کا نرم ہے۔ شہبازشریف سب کوساتھ لے کرچلنے کا پیغام دے رہے ہیں جبکہ اداروں کے درمیان تناواب زبان کے نیچے دبایا نہیں جاسکتا ۔انہوں نے کہا کہ سینیٹ انتخابات میں مرکز میں حکومت کو ووٹ دیں گے۔ایم ایم اے کی بحالی سے متعلق انہوںنے کہا کہ 8 مارچ کو کو مرکزی جمعیت اہلحدیث کا لاہور میں جلسہ ہے۔ اس لئے اب ایم ایم اے کا اجلاس اب 12 مارچ کو ہوگا ۔ایم ایم اے کے پلیٹ فارم پر (ن) لیگ سے انتخابی ایڈجسٹمنٹ کو وقت آنے پر دیکھیں گے۔

مزید پڑھیں:مخالفین کو سینیٹ انتخابات میں جواب ملے گا،مریم اورنگزیب