روس نے شمالی کوریا کے شہریوں کو ملک بدر کرنا شروع کر دیا

پیانگ یانگ ـ۔۔۔ روس نے شمالی کوریا سے تعلق رکھنے والے ورکرز کو ملک بدر کرنا شروع کر دیا ہے۔شمالی کوریا میں تعینات روسی سفیر الیگزینڈر ماٹسیگورا نے کہا ہے کہ یہ فیصلہ اقوام متحدہ کی طرف سے شمالی کوریا پر لگائی گئی پابندیوں پر عملدرآمد کے سلسلے میں کیا گیا ہے۔ روسی سفیر کے مطابق اس سے روسی معیشت کو یقیناشدید دھچکا پہنچے گا تاہم روس اقوام متحدہ کی سلامتی کونسل کی طرف سے لگائی گئی پابندیوں پر عملدرآمد کو اہم سمجھتا ہے۔ اندازوں کے مطابق شمالی کوریا کے تقریباً 37 ہزار افرادروس میں کام کر رہے ہیں۔