سعودی سرحدیں حملہ آوروں کا قبرستان

ریاض.... یمن کی آئینی حکومت کی بحالی کیلئے سعودی عرب کے زیر قیادت قائم عرب اتحاد کے ترجمان ترکی المالکی نے خبردار کیا ہے کہ سعودی عرب کی سرحدیں حملہ آوروں کا قبرستان ثابت ہونگی۔ انہوں نے حوثی باغیو ںکے نئے بیلسٹک میزائل حملے کے بعد جاری کردہ بیان میں کہا کہ الحدیدہ بندرگاہ، جہاز رانی اور عالمی تجارت کیلئے پرخطر ہوگئی ہے۔ اس ہفتے حوثی باغیوں کے 284ٹھکانوں پر حملے کئے گئے۔اتحادی افواج نے یمن میں انسانی بنیادوں پر پیش کی جانے والی امداد پہنچانے کیلئے 17محفوظ گزر گاہیں قائم کردیں۔