سوات حملہ، شہید اہلکاروں کی تعداد11ہوگئی
سوات ...سوات کی تحصیل کبل کے آرمی یونٹ میں ہفتے کو ہونے والے خود کش حملے میں مزید7زخمی دم توڑ گئے ۔ جاں بحق سیکیورٹی اہلکاروں کی تعداد11 ہو گئی ۔ جاں بحق ہونے والوں میں کیپٹن جہاںزیب شامل ہیں ۔ دھماکے میں13 اہلکار زخمی ہوئے ۔ آئی ایس پی آر کے مطابق خودکش حملہ فوجی یونٹ کے اسپورٹس ایریا میں کیا گیا۔ حملے کے وقت اہلکار والی بال کھیل رہے تھے ۔ سیکیورٹی فورسز نے علاقے کو گھیرے میں لے لیا ۔
