اسلام آباد..وفاقی وزیردفاع خرم دستگیر خان نے کہاہے کہ پاکستان نے ضرب عضب اورردالفساد آپریشنز کے ذریعے دہشتگردوں کے تمام نیٹ ورک تباہ کر دیئے۔ پاکستان میں دہشتگردوں کے کوئی ٹھکانے نہیں ۔ٹی وی انٹر ویو میں انہوںنے کہا کہ پاکستان افغانستان کے ساتھ اپنی سرحد کو محفوظ بنانے کیلئے باڑ لگا کر سرحدی انتظامات پر کام کررہاہے ۔پر امن اور مستحکم افغانستان پاکستان کے مفاد میں ہے۔ پاکستان نے اس کےلئے ہمیشہ مثبت کردار ادا کیا ہے ۔ انہوںنے کہاکہ پاکستان کئی سالوں سے لاکھوں افغان پناہ گزینوں کی میزبانی کر رہا ہے ۔اب ان کی فوری واپسی کے خواہشمند ہیں ۔ایک سوال پر انہوں نے کہاکہ افغانستان میں ہند کی موجودگی پر گہری تشویش ہے ۔
