ریاض.... گورنر ریاض ریجن شہزادہ فیصل بن بندر بن عبدالعزیز نے کہا ہے کہ محکمہ پاسپورٹ کا کردار مملکت کے لئے انتہائی اہم ہے ۔ جوازات کے اہلکار سیفٹی والو کی مانند ہیں ۔ ملک و قوم کے لئے انکا کردار انتہائی اہم ہے ۔ گورنر ریاض نے جوازات کے اعلی عہدیداروں سے ملاقات کے موقع پر خطاب کرتے ہوئے کہا ۔محکمہ جوازات کے اہلکاروں کی سربراہی ڈائریکٹر جنرل جوازات بریگیڈیئر جنرل سلیمان الیحییٰ کر رہے تھے ۔ گورنر ریاض شہزادہ فیصل بن بند ر نے مزید کہا مملکت کی تمام سرحدوں پر جوازات کے اہلکار انتہائی فرض شناسی سے ذمہ داریاں ادا کرتے ہیں ۔ اس موقع پر ڈائریکٹر جنرل جوازات نے گورنر ریاض کا شکریہ ادا کرتے ہوئے کہا یہ ہمارا فرض ہے جسے ہر صورت میں ہم انتہائی خوش اسلوبی سے نبھائیں گے ۔
