جدہ ( ارسلان ہاشمی) ریجنل پولیس ترجمان کرنل ڈاکٹر عاطی القرشی کا کہنا ہے کہ خاتون کے ساتھ بدتمیزی کرنے والے نجی ٹیکسی ڈرائیور کو گرفتار کر لیا گیا ۔ اردونیوز کو جاری پریس ریلیز میں بدتمیزی کے واقعے کی تفصیلات بتاتے ہوئے کہا گیا ہے کہ سوشل میڈیا پر نجی ٹیکسی ڈرائیور کی جانب سے خاتون کے ساتھ بدتمیزی کی وڈیو وائرل ہونے کے بعد ملزم کو تلاش کر کے اسے گرفتار کر لیا گیا ۔ پولیس ترجمان کا کہنا تھا کہ گرفتار ملزم کے خلاف مقدمہ درج کر کے اسے تحقیقاتی ادارے کے سپر د کر دیا گیا جہاں اس سے مزید تحقیقات کی جارہی ہے ۔
