ہیگڑے کو وزیر کے عہدے پر رہنے کا حق نہیں، آزاد

نئی دہلی۔۔۔۔کانگریس کے سینیئر لیڈر غلام نبی آزادنے آئین تبدیل کرنے سے متعلق مرکزی وزیر مملکت اننت کمار ہیگڑے کے بیان کو قابل اعتراض اور قابل مذمت قراردیتے ہوئے ان سے پارلیمنٹ اور ملک سے معافی مانگنے اور کابینہ سے برخاست کرنے کا مطالبہ کیا۔ آزاد نے پارلیمنٹ ہاؤس کے باہر صحافیوں سے بات چیت کرتے ہوئے کہا کہ ہیگڑے کے بیان سے واضح ہوگیا کہ وہ آئین پر یقین نہیں رکھتے لہذا انہیں کابینہ میں رہنے کا کوئی حق نہیں۔ انہیں پارلیمنٹ کے دونوں ایوانوں اور ملک کے عوام سے معافی مانگنی چاہئے۔