جدہ.... اسلامی تعاون تنظیم (او آئی سی) نے افغانستان کے دارالحکومت کابل میں پیر کو دہشت گرد دھماکوں کی مذمت کردی۔ کئی افراد ہلاک اور زخمی ہوگئے تھے۔ او آئی سی کے سیکریٹری جنرل ڈاکٹر یوسف العثیمین نے اعلامیہ جاری کرکے واضح کیا کہ او آئی سی ہر طرح کی دہشت گردی کی مخالف ہے یہ اس کا غیر متزلزل موقف ہے ۔ او آئی سی دہشت گردی و انتہاءپسندی کی بیخ کنی کے سلسلے میں افغانستان کے ساتھ ہے۔ انہوں نے جاں بحق ہونے والوں کے اعزہ افغان حکومت عوام سے تعزیت و ہمدردی کا اظہار کیا اور زخمیوں کی فوری شفاءکی آرزو ظاہر کی۔
