افغان تارک وطن کو اقدام قتل کے الزام کا سامنا

سڈنی۔۔۔آسٹریلوی شہر میلبورن کے ایک بھیڑ والے علاقے کی فٹ پاتھ پر سامان بردار چھوٹا ٹرک چڑھانے والے افغان تارک وطن سعید نوری پر اقدام قتل کی فرد جرم عائد کر دی گئی ہے۔ اس واقعے میں  18افراد زخمی ہوئے تھے۔ پولیس نے ابھی تک 21 دسمبر کو ہونے والے اس حادثے کو دہشت گردانہ حملہ قرار نہیں دیا ۔ پولیس کے مطابق 32 سالہ سعید نوری کو دماغی عارضہ لاحق ہے اور وہ ادویات بھی استعمال کرتا ہے۔ رواں برس جنوری میں اسی نوعیت کے حملے میں6 افراد مارے گئے تھے۔