ہواوے کمپنی کے برانڈ آنر کی جانب سے یہ رپورٹ سامنے آئی ہے کہ اسکی ایکس سیریز کے اسمارٹ فونز کی فروخت چار کروڑ سے تجاوز کرگئی ہے۔ کمپنی نے آنر 4 ایکس سے لے کر آنر 7 ایکس تک اسمارٹ فون سیریز متعارف کروائی تھی جس کا آخری ماڈل آنر 7 ایکس 11 نومبر کو چائنہ متعارف کروایا گیا تھا جس کے 30000 یونٹ محض دو گھنٹوں میں فروخت ہو گئے تھے۔ انڈیا میں اس اسمارٹ فون کے 20 ہزار یونٹ ایک گھنٹے میں فروخت ہوئے تھے ۔ اسی طرح لندن میں آنر 6 ایکس کی نسبت آنر 7 ایکس کی فروخت میں دگنا اور روس میں تین گنا اضافہ دیکھنے میں آیا ہے۔
