مہنگائی کرنیوالوں کو انتباہ

ریاض .... وزارت تجارت و سرمایہ کاری نے خبردار کیا ہے کہ حساب الموطن کے اجراءکے بعد جو تاجر اشیاءکے نرخ بڑھائے گا اس کے خلاف عبرتناک کارروائی ہوگی۔ مملکت بھر میں تجارتی مراکز پر چھاپے مارے جائیں گے۔ کسی بھی تاجر کو اشیائے صرف کے نرخ ناحق بڑھانے کی اجازت نہیں دی جائیگی۔ وزارت نے شکایت مرکز قائم کردیا ہے۔ کارکنان کی تعداد میں اضافہ کردیا ہے۔ مہنگائی کرنے والوں کے خلاف کارروائی کیلئے تمام احتیاطی تدابیر کرلی گئی ہیں۔