لاہور...ادارہ قومی بچت آئندہ سال مئی سے بیرون ملک پاکستانیوں کے لئے بھی بچت اسکیم شروع کرنے پر غور کررہا ہے۔ ادارہ قومی بچت کے ڈائریکٹر جنرل ظفر مسعود نے بتایا کہ تارکین وطن کے لئے بچت اسکیم کا ڈھانچہ تیار کیا ہے۔ اس پر مشاورت کے لئے نیشنل سیونگ کو اسٹرکچرنگ ایجنٹس نے درخواستیں ارسال کردیں۔انہوں نے بتایا کہ بچت اسکیم کے قوائد وضوابط کی منظوری کے بعد اگلا مرحلہ اس کے انتظام کا ہوگا تیسرے مرحلے میں ایجنٹس کی تعیناتی ہوگی۔ظفر مسعود کے مطابق ملکی اور بین الاقوامی سطح پر شریعہ اصولوں پر استوار کی گئی بچت اسکیم متعارف کرائی جائے تو اس کی پذیرائی ہوگی ۔ قومی بچت اس شعبے میں بھی پیش رفت کررہا ہے۔
