نئی دہلی۔۔۔۔کانگریس نے الیکٹرانک ووٹنگ مشینوں (ای وی ایم) میں گڑ بڑ کی شکایات کے پیش نظر الیکشن کمیشن اور سپریم کورٹ سے تحقیقات کا مطالبہ کیا ہے۔ کانگریس ترجمان ابھیشیک منوسنگھوی نے صحافیوں سے بات چیت کرتے ہوئے کہا کہ یوپی اور مہاراشٹر سمیت دیگر علاقوں میں حال ہی میں ای وی ایم مشینوں میں گڑ بڑکی شکایات موصول ہوئی ہیں جس کے بعد پتہ چلا کہ بٹن کسی بھی پارٹی کے انتخابی نشان پر دباؤ لیکن ووٹ بی جے پی کے انتخابی نشان(کمل) کو ہی جارہا تھا۔ انہوں نے کہا کہ گجرات میں ہونیوالے اسمبلی انتخابات میں استعمال ہونیوالی ووٹنگ مشینوں کی جانچ سپریم کورٹ کے جج یا ریٹائرڈ جج سے منصفانہ طور پر کرانی چاہئے۔
