اسلام آباد.. پاکستان کی طرف سے ہندوستانی جاسوس کلبھوشن یادو کی اہلیہ سے ملاقات کی پیشکش پر نئی دہلی کا جواب موصول ہوگیا۔ پاکستان نے انسانی ہمدردی کی بنیاد پر کلبھوشن کی اہلیہ سے ملاقات کرانے کی پیش کش کی تھی۔دفتر خارجہ سے جاری بیان کے مطابق جواب کا جائزہ لیا جا رہا ہے۔ذرائع کے مطابق ہند کی جانب سے جواب میں کہا گیا کہ کلبھوشن کی والدہ بھی اپنے بیٹے سے ملاقات کی حق دار ہیں۔ پاکستان پہلے والدہ کو ویزا جاری کرے جن کی درخواست پہلے ہی پاکستانی ہائی کمیشن کے پاس موجود ہے ۔
