ٹرمپ کو جوہری حملے کا اختیار، کانگریس میں بحث

 واشنگٹن۔۔۔واشنگٹن میں جوہری ہتھیاروں کے استعمال کا حکم دینے کا اختیار کے عنوان سے اجلاس ہوا جس میں ڈونلڈ ٹرمپ کو ایٹمی حملے کا اختیار ہونا چاہیے یا نہیں؟ پر بحث ہوئی۔ ڈیموکریٹ سینیٹر کرس مرفی کا کہنا تھا کہ ڈونلڈ ٹرمپ غیر مستحکم ہیں، وہ امریکی قومی سلامتی کے مفاد کے برعکس فیصلہ کر سکتے ہیں۔ان کا کہنا تھا کہ ہمیں اندیشہ ہے کہ امریکہ کے صدر غیر مستحکم ہیں، ان کا فیصلے کرنے کا عمل بہت خیالی ہے۔ وہ جوہری ہتھیاروں سے حملہ کرنے کا حکم دے سکتے ہیں جو کہ امریکہ کی قومی سلامتی کے مفاد کے برعکس ہو۔ دیگر سینیٹرز نے بھی اس معاملے پر تشویش کا اظہار کیا۔ ٹرمپ انتظامیہ کے اعلیٰ حکام میں سے کسی کو اجلاس میں جواب دہی کیلئے پیش نہیں کیا گیا۔ امریکی صدر نے اگست میں بیان دیا تھا کہ شمالی کوریا نے جوہری پروگرام نہ روکا تو ایسا غضب ڈھادیں گے کہ دنیا نے پہلے نہ دیکھا ہو گا۔