کیرالہ کے وزیر ٹرانسپورٹ مستعفی

ترواننت پورم۔۔۔۔کیرالہ کے وزیر ٹرانسپورٹ تھامس چانڈی نے ہائیکورٹ کی جانب سے زمین پر غیر قانونی قبضے کے معاملے میں ان کے خلاف منفی تبصرے کے ایک دن بعد ریاستی کابینہ سے استعفیٰ دیدیا۔ برسراقتدار اتحاد کے دوسری سب سے بڑی اتحادی کمیونسٹ پارٹی آف انڈیا کے ذریعے داغدار وزیر کی مخالفت میں کابینہ کی میٹنگ کا بائیکاٹ کرنے کے کچھ دیر بعد چانڈی نے استعفیٰ دیدیا۔ نیشنلسٹ کانگریس پارٹی (این سی پی) کے صدر ٹی پی پیتانبرن نے چانڈی کا استعفیٰ وزیر اعلیٰ پنارئی وجین کے پاس بھیج دیا۔