یوگا کی اجازت پر سوامی رام دیو کا اظہار مسرت

ریاض .... ہندوستانی ذرائع ابلاغ نے یہ رپورٹ انتہائی خوشی کیساتھ جاری کی ہے کہ سعودی وزارت تجارت و سرمایہ کاری نے یوگا کو جسمانی ورزشوں میں شامل کرلیا اور یوگا سینٹر قائم کرنے کیلئے اجازت نامے جاری کرنا شروع کردیئے۔ ٹویٹر کے اکاﺅنٹ عرب یوگا فاﺅنڈیشن نے ہندوستان میں یوگا کی تربیت دینے والی مشہور ترین شخصیت سوامی رام دیو کے حوالے سے اطلاع دی ہے کہ سعودی عرب میں یوگا کی اجازت تاریخی فیصلہ ہے۔ انہوںنے کہا کہ یوگا انتہائی صحت بخش ورزش ہے۔ ہندوستانی چینل نے مزید بتایا کہ نوف مروعی پہلی سعودی خاتون ہیں جو مملکت میں یوگا کی تعلیم دینگی۔ وہ 2010ءکے دوران قائم ہونے والے یوگا ادارے کی چیئرپرسن ہیں۔