جیونی ایف 11 کی تصاویر لیک

جیونی کمپنی نیا اسمارٹ فون ایف 11 متعارف کروانے جا رہی ہے۔ فون سے متعلق تفصیلات سامنے آنے کا سلسلہ جاری ہے۔ چند روز قبل ٹینا لسٹنگ اور جی ایف ایکس بینچ کی جانب سے فون سے متعلق تفصیلات لیک کی گئی تھیں اور اب اسمارٹ فون کی تصویر بھی لیک ہو کر سامنے آ گئی ہے۔ فون میں 6انچ کا ڈسپلے اور فرنٹ اور بیک پر ڈوئل کیمرہ سیٹ اپ دیا گیا ہے۔
رپورٹس کے مطابق بیک کیمرہ سیٹ اپ میں 16 میگا پگسل 8 میگا پکسل کے سینسر شامل کیے جائیں گے۔ اسمارٹ فون کے فرنٹ پر معمولی بیزل کے ساتھ دو کیمرے اور اسپیکر کو شامل کیا گیا ہے۔ اسمارٹ فون کو ممکنہ طور پر 26 نومبر کو متعارف کروایا جائے گا اور اسے نیلے ، گولڈ اور پنک رنگ میں پیش کیا جائے گا۔