آئی فون ایکس کیلئے نوچ ریموور ایپ متعارف

ایپل کمپنی کی جانب سے آئی فون ایکس میںبیزل لیس ڈسپلے کے ساتھ نوچ متعارف کروایا گیا تھا تاہم اس نوچ کو صارفین کی جانب سے زیادہ پسند نہیں کیا گیا اور اب ایپ اسٹور میں نوچ ریموور ایپلیکیشن کو باقاعدہ متعارف کروا دیا گیا ہے۔ اس ایپلیکیشن سے نوچ فزیکلی تو ختم نہیں ہوگا تاہم ڈسپلے کو کچھ اس انداز سے ترتیب دے دیا جائے گا کہ نوچ واضح نظر نہیں آئے گا بلکہ اسکرین کے اوپر ایک سیاہ پٹی نظر آئے گی جیسا کہ عمومی طور پر اسمارٹ فونز میں تاریخ اور بیٹری اسٹیٹس کے لئے نظر آتی ہے۔ اس ایپلی کیشن کو 0.99 ڈالر میں ایپل کے ایپ سٹور سے حاصل کیا جا سکتا ہے۔