زیڈ ٹی ای کا ایکس سیریز جلد لانچ کرنے کا اعلان

زیڈ ٹی ای کمپنی نے اس بات کا اعلان کیا ہے کہ ایکسن 7 اسمارٹ فون کی کامیابی کے بعد کمپنی ایکسن 8 بھی جلد لانچ کرے گی۔ اس بات کا اعلان کمپنی نے ایک صارف کی ٹویٹ کے جواب میں کیا جس میں پوچھا گیا تھا کہ کمپنی ایکسن سیریز کا اگلا فون کب لانچ کرے گی؟ کمپنی کا ٹویٹ کے جواب میں کہنا تھا کہ ایکسن 7 جیسے کامیاب فون کے بعد کمپنی ایکسن سیریز کا اگلا فون لازمی لانچ کرے گی تاہم اس بات کا اعلان نہیں کیا گیا کہ فون کب لانچ ہو گا۔
واضح رہے کہ ایکسن 7 کو پچھلے سال مئی میں لانچ کیا گیا تھا اور اسکی قیمت 400 ڈالر تھی۔