ٹوکیو .... ایک جاپانی فوٹو گرافر نے کراٹے سے’’آشنا ‘‘ بلیوں پر ایک کتاب شائع کی ہے۔ ان تصاویر میں بلیاں فضا میں اچھل کر اپنے کرتب دکھا رہی ہیں او رایسا لگتاہے کہ جیسے انہیں باقاعدہ مارشل آرٹ کی تربیت دی گئی ہو۔ فوٹو گرافر ہساکاٹا ہیروکی نے یہ تصاویر مختلف برسوں میں اتاری تھیں اور اس نے اب انہیں ایک کتاب کی شکل دیدی ہے۔ یہ کتاب سوشل میڈیا پر ڈال دی گئی ہے جسے اب تک 35ہزار سے زائد لوگ دیکھ چکے ہیں۔
