سعودی عرب پر ہیکرز کا ایک اور حملہ

ریاض۔۔۔ای سیکیورٹی سینٹر این سی ایس سی نے سعودی عرب پر ہیکرز کے ایک اور حملے کو ناکام بنا دیا ۔ ہیکرز نے انتہائی خطرناک حملے کا پروگرام بنایا تھا ۔ تفصیلات کے مطابق ای سیکیورٹی سینٹر نے واضح کیا کہ ایچ ٹی اے قسم کی فائل کے اندر مختلف کوڈ فیڈ کر کے ہیک کرنے کی کوشش کی گئی تھی ۔ ای سیکیورٹی سینٹر کے ماہرین نے بروقت اس کا پتہ لگا کر حملے کو ناکام بنا دیا۔ای سیکیورٹی سینٹر نے تمام سرکاری اور اہم اداروں کو ہیکرز کے نئے حملے کی بابت احتیاطی تدابیر سے بھی آگاہ کر دیا۔