ٹرمپ کے نظر بند ساتھی کو ضمانت جمع کرانیکا حکم

    واشنگٹن۔۔۔امریکی عدالت نے روس کے ساتھ مبینہ تعلقات کے ایک مقدمے کی پہلی سماعت میں ہی صدر ڈونلڈ ٹرمپ کی انتخابی مہم کے سابق سربراہ پال مانا فورٹ کی نظر بندی اور 10 ملین ڈالر ضمانت جمع کرانے کے احکامات جاری کیے۔ مانافورٹ اور ان کے ساتھی رک گیٹس پر امریکہ کیخلاف سازش کے الزام میں فرد جرم عائد ہے۔ الزام ہے کہ ان دونوں نے اس رقم کو چھپانے کی کوشش کی جو انہوں نے یوکرین کے سابق سیاستدان وکٹر یانکووچ اور ان کی ماسکو نواز سیاسی جماعت کیلئے کام کرتے ہوئے کمائی تھی۔