بال ڈائی کر کے انہیں نقصان مت پہنچائیں

بالوں کی سفیدی کو چھپانے کے لیے انہیں سیاہ کرنا تو چلیں مجبوری ٹھہری مگر فیشن کی خاطر بالوں کو ڈائی کر کے انہیں نقصان پہنچانے کے لیے کس کا دل مانتا ہے۔

کوئی بھی جوانی میں اپنے بالوں سے محرومی کو پسند نہیں کرتا، خاص طور پر خواتین۔بالوں کو کلر کرنے سے بالوں کا تیز رفتاری سے گرنے کا امکان بڑھ جاتا ہے۔ اس کی وجہ ہیئر کلر ز میں کیمیکلز کی موجودگی ہوتی ہے جو بالوں کی جڑوں کو نقصان پہنچاتے ہیں اور بال کمزور ہو کر ٹوٹنے لگتے ہیں۔ طویل المعیاد بنیادوں پر اس وجہ سے گنج پن کا خطرہ بڑھ جاتا ہے۔ یہ کیمیکلز جلد کی الرجی کے ساتھ ساتھ دیگر بیماریوں کا باعث بھی بن سکتے ہیں۔اکثر ہیئر کلر استعمال کرنے کے نتیجے میں متعدد خواتین کو روکھے اور خشک بالوں کے مسئلے کا سامنا ہوتا ہے، جس کی وجہ ان رنگوں میں پائے جانے والا پری آکسائیڈ ہوسکتا ہے لہذا جس حد تک ممکن ہو خود کو ہیئر کلر سے دور رکھیں یا اس کا بہت کم استعمال کریں ۔