سعودی عرب کی تعریف اور قطر پر تنقید

قاہرہ ... امریکی صدر ٹرمپ کے سابق مشیر اسٹیف بینن نے انتہا پسندوں سے نمٹنے کے سلسلے میں سعودی موقف کی تحسین اور قطری رویئے پر نکتہ چینی کردی۔ انہوں نے انسداد دہشتگردی کے علمبردار ممالک سعودی عرب، امارات، بحرین اور مصر کے قطر کے ساتھ بحران کی بابت سرکاری موقف اختیار نہ کرنے پر ٹرمپ انتظامیہ کو تنقید کا نشانہ بنایا۔ وہ واشنگٹن میں ہڈسن انسٹیٹیوٹ کے زیر اہتمام ہونے والے سیمینار سے خطاب کررہے تھے جس کا موضوع تھا ”زبردست انتہا پسندی کا انسداد، قطر ، ایران اور اخوان“ ۔ سیمینار میں کانگریس کے ارکان، امریکی حکومت کے عہدیدار ، سفراءاور صحافی شریک ہوئے۔