استنبول... وزیراعظم شاہد خاقان عباسی نے ترکی کے جنگی ہیلی کاپٹر ٹی 129 اڑا کر تجرباتی پرواز کی۔ شاہد خاقان نے ترک ہیلی کاپٹر پر تجرباتی پرواز کے بعد ترکی کی دفاعی پیداواری صنعت کی کارکردگی کی تعریف کرتے ہوئے کہا کہ دفاعی میدان میں کامیابیوں پر اردگان حکومت مباکباد کی مستحق ہے۔انہوں نے کہا کہ ترکی سے ٹی 129 ہیلی کاپٹر کی خریداری کے حوالے سے بات چیت جاری ہے پاک فوج بھی ہیلی کاپٹر کی خریداری کا جائزہ لے رہی ہے۔ ٹی 129 کم وزن کا جنگی ہیلی کاپٹر ہے جو میزائل اور گنوں سے لیس ہے۔واضح رہے کہ شاہد خاقان عباسی نے پاک فضائیہ کی تربیتی مشقوں کے دران ایف 16 میں فائٹرپائلٹ کی پچھلی نشست رئیرکاک پٹ میں بیٹھ کر فوجی مشقوں کا جائزہ لیا تھا ملکی تاریخ کے پہلے وزیراعظم تھے جنہوں نے جہاز میں بیٹھ کر فوجی مشق میں شرکت کی۔ اب ترک ہیلی کاپٹر ٹی 129 کی پرواز کے بعد تاریخ میں اپنا نام سنہرے حروف میں لکھوا دیا ۔
