ساھر کے کیمرے توڑنا جرم

ریاض ... معروف سعودی وکیل عبدالکریم القاضی نے واضح کیا ہے کہ ٹریفک خلاف ورزیوں کو ریکارڈ کرنے والے ساھر کے کیمروں کو توڑنا جرم ہے۔ اس پر سزا مقرر ہے۔ انہوں نے یہ وضاحت گزشتہ دنوں مملکت کے مختلف علاقوں میں ساھر کے کیمرے توڑے جانے کے متعدد واقعات کے تناظر میں دی ہے۔ انہوں نے بتایا کہ ساھر کے کیمرے توڑنے والے کو قید اورجرمانے کی سزا ہوگی۔ سعودی قانون کے بموجب کسی بھی سرکاری یا نجی املاک کو نقصان پہنچانا یا سرمائے پر ہاتھ صاف کرنا قابل سزا جرم ہے۔