کالعدم تنظیموں کے خلاف موثر کارروائی کا فیصلہ

کوئٹہ... اعلیٰ سیاسی و عسکری قیادت نے بلوچستان میں کالعدم تنظیموں کے خلاف موثر کارروائی کا فیصلہ کیا ہے۔ منگل کو کوئٹہ میں د ہشت گردحملے کے بعد صورتحال کا جائزہ لینے کے لئے وزیر اعظم نواز شریف کی زیر صدارت اجلاس ہوا۔آرمی چیف جنرل راحیل کے علاوہ آئی ایس آئی کے ڈائریکٹر جنرل لیفٹیننٹ جنرل رضوان اختر، گورنر بلوچستان محمد خان اچکزئی، صوبائی زیر اعلیٰ نواب ثنا اللہ زہری اور کمانڈر سدرن کمانڈ لیفٹیننٹ جنرل عامر ریاض نے بھی شرکت کی۔ذرائع کے مطابق اجلاس میں سیاسی و عسکری قیادت نے بلوچستان میں کالعدم تنظیموں کے خلاف موثر کارروائی کا فیصلہ کیا گیا۔ اس موقع پر وزیر اعظم نے کہا کہ پولیس ٹریننگ کالج پر جن دہشت گردوں نے حملہ کیا انہیں معاف نہیں کیا جائے گا۔ قرار واقعی سزا دی جائے گی۔انہوں نے اس طرح کے حملوں سے بچنے کے لئے صوبے میں قانون نافذ کرنے والے اداروں کے درمیان کوآرڈینیشن کو مضبوط کرنے پر بھی زور دیا۔اجلاس کے دوران شرکا کو بریفنگ دیتے ہوئے بتایا گیا کہ حملے کے دوران دہشت گردوں کا مسلسل افغانستان میں رابطہ تھا۔ذرائع نے بتایا کہ اجلاس میں ہند اور افغانستان کے ساتھ وزارت خارجہ کی سطح پر بلوچستان میں مداخلت لا معاملہ اٹھایا جائے گا۔