Sorry, you need to enable JavaScript to visit this website.
منگل ، 10 جون ، 2025 | Tuesday , June   10, 2025
منگل ، 10 جون ، 2025 | Tuesday , June   10, 2025

ارض الحرمین کا دفاع ہر مسلمان پر فرض ہے، مفتی اعلیٰ

 ریاض..... سعودی عرب کے مفتی اعلیٰ شیخ عبدالعزیز آل الشیخ نے واضح کیا ہے کہ ارض الحرمین الشریفین کا دفاع ہر مسلمان پر فرض ہے۔ یہ ارض الوحی، ارض الرسالت اور پیغمبر اسلام صلی اللہ علیہ وسلم کا وطن نیز اسرا و معراج کے سفر کا مرکز بھی ہے۔ اس کا دفاع اسلامی فریضہ ہے۔ انہوں نے سعودی ٹی وی چینل ون کے معروف پروگرام "فتاوی"کے دوران سوالات کے جواب دیتے ہوئے کہا کہ ارض الحرمین کے دفاع میں کوئی بھی کوتاہی انتہائی خطرناک ثابت ہوگی۔ ہمیں اپنے دشمنوں کے عزائم سے باخبر رہنے اور آنکھیں کھلی رکھنے کی ضرورت ہے۔ امت کے دشمن توحید خالص کے عقیدے ، امن و امان کا گہوارہ ہونے او رخداداد نعمتوں سے مالا مال ہونے کے باعث ارض مقدس سے خار کھائے ہوئے ہیں اور اس پر وہ آگ بگولہ ہے۔ انہوں نے کہا کہ مملکت میں امن وامان اور خوشحالی یہ رب کا عطیہ ہے۔ اطراف میں فتنوں، بحرانوں او رہنگاموں کی آگ لگی ہوئی ہے۔ یہ سرزمین ان سب سے محفوظ ہے۔ یہاں کے ہر باشندے پر شکر لازم ہے۔ 

شیئر: