10 ٹرمپ بھی ایٹمی ڈیل تبدیل نہیں کر سکتے، روحانی

 تہران …  ایرانی صدر حسن روحانی نے کہا ہے کہ 10 ڈونلڈ ٹرمپ بھی مل جائیں تو ڈیل کو تبدیل کرسکتے ہیںاور نہ ایران کے مفادات کو کسی قسم کا نقصان پہنچا سکتے ہیں۔تہران یونیورسٹی میں خطاب کرتے ہوئے انہوں نے کہا کہ 2015 میں 6 عالمی طاقتوں کے ساتھ طے پانے وا لے جوہری معاہدے کے ثمرات سے ایران کو کسی بھی صورت محروم نہیں کیا جاسکتا۔ مذاکرات کے دوران تہران نے اپنی سیاسی طاقت اور اپنے سفارت کاروں کی صلاحیتوں کو بروئے کار لاتے ہوئے عالمی طاقتوں کے ساتھ کامیاب مذاکرات کئے۔ عالمی طاقتوں کے ساتھ مذاکرات میں اس بات کو باور کرایا گیا تھا کہ امن کے خواہشمند ہیں لیکن اس کے ساتھ کسی بھی غیرمعمولی صورتحال سے نمٹنے کیلئے بھی تیار ہیں۔حسن روحانی نے امریکہ کو خبردار کرتے ہوئے کہا کہ وہ فریق جو معاہدے میں تعاون کرتا ہے ا سے کچھ نقصان نہیں ہوتا البتہ جو معاہدے کی خلاف ورزی کرتا ہے وہ عزت و وقار سے محروم ہو جاتا ہے۔ ٹرمپ جوہری ڈیل کی اہمیت کا اندازہ لگانے سے قاصر ہیں۔