سوچی سے فریڈم آف آکسفورڈ کا اعزاز بھی واپس

لندن…  نوبل انعام یافتہ میانمار کی رہنما آنگ سان سوچی سے ’’فریڈم آف آکسفورڈ‘‘ کا اعزاز واپس لے لیا گیا۔ سوچی سے یہ اعزاز  روہنگیا مسلمانوں پر میانمار کی سیکیورٹی فورسز کے مظالم اور قتل عام پر خاموشی پر چھینا گیا ہے۔سوچی کو یہ اعزاز جمہوریت کیلئے طویل جدوجہد کرنے پر 1997 میں دیا گیا تھا ۔آکسفورڈ سٹی کونسل کے مطابق اب سوچی اس اعزاز کو اپنے پاس رکھنے کی اہل نہیں رہیں۔اس سے قبل  آکسفورڈ یونیورسٹی کالج نے اپنے مرکزی دروازے سے سوچی کی تصویر ہٹالی تھی۔