الطالبانی کے انتقال پر سعودی قیادت کا اظہار تعزیت

ریاض .... خادم حرمین شریفین شاہ سلمان بن عبدالعزیز نے عراق کے سابق صدر جلال الطالبانی کی وفات پر عراق کے موجودہ صدر ڈاکٹر فواد معصوم سے اظہار تعزیت کیا۔ انہوں نے اپنے پیغام میں تحریر کیا کہ عراق کے سابق صدر جلال طالبانی کی موت کی خبر سن کر دکھ ہوا۔ اس موقع پر انہوں نے عراقی عوام ، الطالبانی کے اہل خانہ او رموجودہ صدر سے تعزیت اور دلی ہمدردی کا اظہار کیا۔ ولی عہد ، نائب وزیراعظم و وزیر دفاع شہزادہ محمد بن سلمان نے بھی الطالبانی کی وفات پر عراقی صدر کے نام تعزیتی پیغام ارسال کیا۔