میانمار کو ہتھیاروں کی فروخت پر پابندی کا مطالبہ

 لندن ...انسانی حقوق کی عالمی تنظیم ایمنسٹی انٹرنیشنل نے اقوام متحدہ کی سلامتی کونسل سے مطالبہ کیا ہے کہ میانمار کو ہتھیاروں کی فروخت پر پابندی عائد کی جائے ۔ ایمنسٹی نے پابندی کا مطالبہ میانمار کی طرف سے جاری تشدد کو روکنے پر ناکامی پر کیا ہے جس کے باعث گزشتہ ایک ماہ کے دوران روہنگیا مسلمانوں کی قریب نصف ملین تعداد ہمسایہ ملک بنگلہ دیش نقل مکانی پر مجبور ہوئی۔ سلامتی کونسل روہنگیا بحران کے حوالے سے آج جمعرات کو اپنا پہلا اوپن سیشن کرے گی۔ اقوام متحدہ کے سیکریٹری جنرل روہنگیا کے خلاف جاری میانمار کی فوج کے آپریشن کو روہنگیا کی نسل کشی قرار دے چکے ہیں۔