نواز شریف کے بچوں کو نوٹس لندن بھیجے گئے

اسلام آباد...احتساب عدالت نے نواز شریف کے بچوں مریم، حسن اور حسین نواز کو قابل ضمانت وارنٹ گرفتاری اور طلبی کے نوٹس لندن کے پتے پر نوٹس ارسال کردئیے۔عدالتی حکم نامے کے مطابق جاری ہونے والے نوٹسز کی ایک کاپی لاہور اور دوسری کاپی لندن میں مریم، حسن اور حسین نواز کے نام بھیجی گئی ہے ۔ پاکستانی ہائی کمیشن کے ذریعے بھجوائے گئے وارنٹ گرفتاری پر ایون فیلڈ فلٹیس لندن کا پتہ درج ہے۔ عدالت نے نوازشریف کے داماد کیپٹن(ر) صفدر کو بھی طلبی نوٹس لندن کے پتے پر بھجوایا ہے۔دریں اثناء شریف فیملی کے خلاف نیب ریفرنس کی سماعت کے تحریری حکم نامے میں کہا گیا ہے کہ نواز شریف کی حاضری سے استثنیٰ کی درخواست پر فیصلہ ہونا ابھی باقی ہے۔