ٹرائی تھلون ریس میں ناروے کے ایتھلیٹ کامیاب

لندن: انگلینڈ میں ہونے والی سپرلیگ ٹرائی تھلون ریس میں دلچسپ مقابلے ہوئے۔ ناروے کے ایتھلیٹ کرسٹیئن بلومن فیلٹ نے آخری کلومیٹر میں دلچسپ مقابلے کے بعد کامیابی حاصل کرلی۔ فاتح کھلاڑی نے جنوبی افریقہ کے رچرڈ مرے اور برطانیہ کے دو بار گولڈ میڈلسٹ جوناتھن براون لی کو پیچھے چھوڑا۔ خواتین کے مقابلوں میں امریکی کھلاڑی کیٹی زیفی ریز نے اولمپک چیمپئن نکولا سپرنگ سے سنسنی خیز مقابلے کے بعد کامیابی حاصل کی۔