ایپل کی جانب سے رینٹڈ مووی دیکھنے کے وقت میں اضافہ

ایپل نے اپنے صارفین کے لئے رینٹڈ موویز دیکھنے کے وقت میں اضافہ کر دیا ہے۔ اب صارفین کسی بھی مووی کو رینٹ کرانے کے بعد اگلے 48 گھنٹے تک دیکھ سکیں گے۔اس سے پہلے یہ وقت 24 گھنٹے تھا۔ رینٹڈ مواد کو خریدنے کے بعد 30 دن کی مدت اسے دیکھنے لے لئے دی جائے گی لیکن ایک بار پلے بٹن دباتے ہی 48 گھنٹے کا دورانیہ کم ہونا شروع ہو جائے گا۔ ان 48 گھنٹوں میں صارفین چاہیں تو کئی بار بھی مووی دیکھ سکتے ہیں۔ ان موویز کو ڈاؤن لوڈ کرنے کی سہولت نہیں دی گئی ۔ ایپل کی جانب سے وقت میں یہ اضافہ ایپل 4 کے ٹی وی کی ریلیز کے ساتھ دیا گیا ہے۔