نیمار کا حریف کھلاڑی سے مصافحہ اور شرٹ بدلنے سے انکار
جمعرات 14 ستمبر 2017 3:00
گلاسگو:سیلٹک کے ساتھ چیمپیئنز لیگ کے میچ کے بعد پیرس سینٹ جرمین کے معروف برازیلی کھلاڑی نیمار نے سیلٹک کے کھلاڑی رالسٹن کے ساتھ روایتی مصافحے اور شرٹ تبدیل کرنے سے انکار کر دیا۔ میچ کے دوران رالسٹن نے دنیا کے سب سے مہنگے فٹبالر کے قریب جاکر اسے چڑایا تھا۔ بعد ازاں میچ کے دوران بھی دونوں میں گرما گرمی رہی۔ میچ کے بعد عام طور پر دونوں ٹیموں کے کھلاڑی مصافحے کرتے اور بعض اوقات آپس میں شرٹ تبدیل کرتے ہیں لیکن نیمار نے رالسٹن کی جانب سے کوشش کے باوجود اس روایت پر عمل نہیں کیا۔
