امریکی پالیسی پر اقوم متحدہ میں موقف دینگے،خرم دستگیر

گوجرانوالہ ... وزیر دفاع خرم دستگیر نے کہا ہے کہ امر یکی پالیسی الزام تراشیوں پرمبنی ہے ۔ اتوار کو صحافیوں سے گفتگو کرتے ہوئے انہوں نے کہا کہ امریکی صدر ڈونلڈٹرمپ کی افغان پالیسی کو پاکستان کی سیاسی و عسکری قیادت نے مسترد کر دیا ۔ اس پالیسی پر واضح موقف کے ساتھ اقوام متحدہ کی جنرل اسمبلی میں جا رہے ہیں ۔ جنرل اسمبلی میں وزیر اعظم شاہد خاقان کے ساتھ وزیر خارجہ خواجہ محمد آصف بھی جائیں گے۔ افغان پالیسی اور دہشتگردی کے حوالے سے واضح موقف پیش کیا جائے گا ۔ انہوں نے کہاکہ ٹرمپ کے پاکستان مخالف بیان کے بعد سیاسی و عسکری حکام کا امریکہ سے رابطہ نہیں ہوا ۔ ایک سوال پر وزیر دفاع نے کہا کہ نواز شریف ایک ہفتے میں واپس آ جائیں گے۔ وہ اپنی اہلیہ کی تیمارداری کے لئے لندن میں مقیم ہیں ۔