جدہ..... محکمہ شہری ہوابازی کے سربراہ عبدالحکیم التمیمی نے جدہ کے کنگ عبدالعزیز انٹرنیشنل ائیرپورٹ کا دورہ کر کے مسافروں کو پیش کی جانیوالی سہولتوں کا جائزہ لیا۔ گزشتہ دنو ں مسافروں کا سامان منتقل کرنے والے کنویئر بیلٹ میں فنی خرابی پیدا ہوگئی تھی جو دور کر دی گئی ۔اس کے باعث سیکڑوں مسافر متاثر ہوئے تھے۔ انہوں نے ائیرپورٹ انتظامیہ کو ہدایت کی کہ معیاری کارکردگی میں آنے والی رکاوٹوں کو دور کیا جائے۔
