مخالفین میدان میں مقابلہ کریں،مریم نواز

لاہور... سابق وزیر اعظم نوازشریف کی صاحبزادی مریم نواز نے کہا ہے کہ نواز شریف کو ایوان سے نکال دیا ۔دلوں سے کیسے نکالو گے۔ لاہور نے سازش اور مہروں کی سیاست کو کل دفن کردیا یہ ایک الیکشن نہیں بلکہ پاکستان کے مستقبل کا فیصلہ ہے۔ این اے 120 میں شیر جیتے گا۔ہفتے کو لاہور میں تاجر کنونشن سے خطاب کرتے ہوئے انہوں نے کہا کہ تاجر بھائیوں کی عدالت میں ریویو پٹیشن لائی ہوں۔ نوازشریف کو ہر مرتبہ بدحال پاکستان ملتا ہے وہ ہمیشہ خوشحال پاکستان دے کر جاتے ہیں۔ ووٹ کے ذر یعے آتے ہیں اور جھوٹے مقدمے بنا کرنکال دیا جاتا ہے۔ پاکستان کی ترقی اور نواز شریف کا بڑا گہرا تعلق ہے۔ نوازشریف کو نااہل کیا گیا تواسٹاک مارکیٹ نیچے آگئی۔ انہیں نکالنے کی اتنی جلدی کیوں تھی ۔الیکشن میں ایک سال ہی رہ گیا تھا۔ 2018 میں مسلم لیگ (ن) اورنوازشریف کی فتح نظرآرہی ہے۔مریم نواز نے کہاکہ مخالفین کبھی عدلیہ اور کبھی الیکشن کمیشن کے پیچھے چھپتے ہیں۔ خواہش ہے کہ مخالفین میدان میں آکر نواز شریف کا مقابلہ کریں۔ انہوں نے کہا کہ ہلوگوں کوسمجھ آگئی ہے کہ پانا مہ اور اقامہ کا ڈرامہ کیوں رچایا گیا۔ اب پانا مہ اور اقامہ کی سیاست نہیں چلے گی۔ لاہوریوں کی مخالفت کرنے والے ان سے ووٹ کیوں مانگتے ہیں۔