خرم دستگیر نے برکس اعلامیہ مسترد کردیا

  اسلام آباد...وزیر دفاع خرم دستگیر نے برکس سربراہ اجلاس کا اعلامیہ مسترد کرتے ہوئے کہا ہے کہ پاکستان میں دہشت گردوں کی کوئی محفوظ پناہ گاہ نہیں۔خرم دستگیر نے کہا کہ امریکی صدر ٹرمپ کے بیان کے بعد پاکستان میں غیر ضروری خطرے کی گھنٹیاں بجائی جا رہی ہیں۔ سیاسی رہنما موجودہ صورتحال میں جذباتی بیانات نہ دیں، پاکستان محفوظ ہاتھوں میں ہے۔ عوام خوفزدہ نہ ہوں۔ ہر صورت اپنے وطن کا دفاع کریں گے۔ مسلح افواج انتہائی مستعدی سے ملکی دفاع پر مامور ہیں۔ قائمہ کمیٹی برائے دفاع کے اجلاس میں گفتگو کرتے ہوئے انہوںنے کہا کہ داعش سے نمٹنے کے لئے پاکستان اور امر یکہ ایک ہیں ۔ دہشت گردوں کی محفوظ پناگاہیں،پاکستان میں نہیں افغانستان میں ہیں۔ افغانستان کے 407 میں سے صرف 60 اضلاع پر افغان فورسز کا کنٹرول ہے۔وزیر دفاع نے بتایا کہ وزیر خارجہ خواجہ آصف4 اہم ممالک چین، روس، ترکی اور ایران کا دورہ کریں گے جس کے بعد وہ امر یکہ جائیں گے۔