روہنگیا مسلمانوں کا مسئلہ اسمبلی میں اٹھائینگے،خورشید شاہ

  اسلام آباد..قومی اسمبلی میں قائد حزب اختلاف خورشید شاہ نے کہا ہے کہ قومی اسمبلی کے آئندہ اجلاس میں روہنگیا مسلمانوں کے مسئلے کو بھرپور طریقے سے اٹھایا جائے گا۔ پیپلز پارٹی عالمی اداروں کا ضمیر جگانے کیلئے بھی عملی اقدامات کرے گی۔ایک بیان میں اپوزیشن لیڈر نے روہنگیا مسلمانوں پر مظالم کی شدید مذمت کرتے ہوئے کہا کہ عالمی برادری نے میانمار اور کشمیر میں مسلمانوں پر انسانیت سوز مظالم پر آنکھیں بند کی ہوئی ہیں۔ او آئی سی اور تمام بااثر اسلامی ممالک کو اس مسئلے کے حل کیلئے اپنا کردار ادا کرنا چاہیے۔انہوں نے کہا کہ امن، محبت اور انسان دوستی کا درس دینے والے مہاتما بدھ کے پیروکاروں نے میانمارمیں اپنے انسان دشمن عمل سے پوری انسانیت کو شرمندہ کر دیا ۔