بنگلا دیشی حکومت کا عید تعطیلات نہ بڑھانے کا اعلان

ڈھاکہ۔۔۔بنگلہ دیشی حکومت نے عید کی چھٹیوں میں اضافہ نہ کرنے کا اعلان کیا ہے۔ حکومت کو یہ اعلان کرنے کی نوبت اس لیے پیش آئی کیونکہ افواہیں زیر گردش تھیں کہ بنگلا دیش میں عید کی تعطیلات میں اضافے کا فیصلہ کر لیا گیا ہے۔  بنگلہ دیش کی حکومت نے صرف ایک سے 3 ستمبر تک ہی ملک بھر میں عید الاضحیٰ کی چھٹیوں کا اعلان کیا ہے۔بنگلا دیش کے کیبنٹ سیکرٹری شفیع عالم کا میڈیا سے گفتگو میں کہنا تھا کہ کابینہ کے اجلاس میں نہ تو عید کی چھٹیاں زیر بحث آئیں اور نہ ہی ان میں اضافے کا ہی کوئی فیصلہ کیا گیا ہے۔