پرنٹر سے مطلوبہ آلہ بنوائیے

بائیک کے لئے رینچ چاہئے یا الماری میں ٹھوکنے کے لئے کیل،اب پرنٹر سے کہئے اور10 منٹ میں مطلوبہ آلہ حاصل کریں کیونکہ مارک فارجڈ کمپنی نے ایسے 3 ڈی پرنٹر تیار کر لئے ہیں جو اسٹیل جیسے مضبوط آلات بنانے کی اہلیت رکھتے ہیں۔ ایکس تھری اور ایکس فائیو نامی یہ پرنٹر کاربن فائبر کو اشیاءکی تیاری کے لئے استعمال کرتے ہیں۔ دونوں پرنٹرز میں موجود اسکیننگ سسٹم اس بات کا خیال رکھتا ہے کہ بنایا گیا آلہ بالکل ویسا ہی ہو جیسا دکھایا گیا ہے۔ پرنٹرز کی قیمت بالترتیب 39,990 ڈالر اور 49,900 ڈالر ہے۔