شاہ سلمان کی نیک نیتی کابدنیتی سے قطری جواب

منامہ ....بحرینی وزیر خارجہ خالد بن احمد آل خلیفہ نے کہا ہے کہ خادم حرمین شریفین شاہ سلمان بن عبدالعزیز کی نیک نیتی کا جواب قطری حکام نے بدنیتی سے دیا۔ قطر کے ساتھ بحران کی شروعات سے لیکر اب تک قطری عازمین کو ہر پابندی سے استثنیٰ دیا جاتا رہا ہے تاہم قطری حکام اس کے جواب میں بدزبانی اور فرض کی ادائیگی سے فرار کی پالیسی پر عمل پیرا ہیں۔ بحرینی وزیر خارجہ اس سے قبل کہہ چکے ہیں کہ شاہ سلمان نے قطری عازمین کو وہ سہولتیں دیں جو دنیا کے کسی ملک کے عازمین کو کبھی نہیں دی گئیں۔