لاہور.. وزیراعلیٰ پنجاب شہبازشریف نے پارٹی رہنماوں کو قومی اداروں کے خلاف بیان بازی سے روک دیا ۔ ایک بیان میں انہوں نے کہا کہ پاکستان اداروں کے درمیان تصادم کا متحمل نہیں ہوسکتا۔ شہباز شریف نے پارٹی کے تمام رہنماوں اور عہدیداروں سے اپیل کی کہ وہ ایسی بیان بازی سے باز رہیں جس سے قومی اداروں کے احترام پر بالواسطہ یا بلا واسطہ آنچ آنے کا اندیشہ ہو۔مسلم لیگ (ن) کے تمام بہی خواہ کسی بھی ایسی خیال آرائی سے گریز کریں جو قومی اداروں کے وقار اور احترام کے منافی ہو۔
